பிரசவ வேதனை

ஒரு பெண் தன் வயிற்றில்

கரு சுமந்திருக்கும் அந்த பத்து மாதங்களும் ஒவ்வொரு விநாடியும் திக் திக் என்று தான் ஒரு பெண்ணிற்கு கழியும் - கரு நன்கு வளர்ந்த காலகட்டத்தில் கர்ப்பிணிப் பெண் மல்லாக்க படுக்க கூடாது - ஒருக்கழித்து தான் படுத்திருக்க வேண்டும் என்கிற அறிவுரை வரும்- ஒரே பொசிசனில் படுத்திருக்க முடியாது என்பதால் இன்னொரு பக்கம் ஒருக்கழித்து படுக்க வேண்டு் என்று தோன்றும் - அப்பொழுது படுத்தபடியே பொசிசன் மாறக் கூடாது - தூக்கத்திலும் எழுந்து உட்கார்ந்து பிறகு தான் சாவகாசமாக மாறிப்படுக்க வேண்டும்

உட்கார்ந்து கொண்டே இருக்காதே - அதை செய் இதை செய் என்று வருகிற போகிற பார்க்கிறவங்க ஃபோன் பேசறவங்க என்று அத்தனை பேர்களும் விதவிதமாக அட்வைஸ் செய்வார்கள் - இதில் கொடுமை என்னவென்றால் - ஒருத்தர் சொன்ன அட்வைசிற்கு துளியும் சம்மந்தமிருக்காது இன்னொருவர் சொல்வது - இதை செய்வதா அதை செய்வதா என்கிற குழப்பம் தான் மிஞ்சி நிற்கும் - ஒவ்வொரு அடியும் பார்த்து பார்த்து எடுத்து வைத்துக் கழிக்கும் தருணங்கள் இருக்கிறதே அப்பப்பா - தெருவில் வாக்கிங் போனால் கூட அத்தனை வாகனங்களும் நம் வயிறு நோக்கி நகர்வது போலவே மனம் திக் திக் என்று அடித்துக் கொள்ளும்

சிறு வயது தொட்டது முதல் நம் தமிழ் சினிமாவில் கர்ப்பிணி பெண்கள் வயிற்றில் வில்லன்கள் எத்துவது போலவும் - தடுக்கி விழுந்து கரு கலைவது போலவும் காட்சிகள் பார்த்து பார்த்து புத்தியில் ஏற்றியதன் பின்விளைவு எல்லாம் நாம் கருவுற்ற காலத்தில் தான் மனதிற்குள் அரங்கேறும்

ஆண்களுக்கும் கருவுறாத பெண்களுக்கும் இந்த கர்ப்பிணி அனுபவத்தை வார்த்தைகளால் சொல்லி உணரவைக்கவே முடியாது - வேண்டுமானால் ஒரு வார கோழிக்குஞ்சை எடுத்து உள்ளங்கையில் வைத்துப் பொத்திப் பாருங்கள் - அந்த குஞ்சு மென்மையாக திமிறும் போது இரண்டு உள்ளங்கைகளுள்ளும் ஒரு வித சிலிர்ப்பும் பரவசமும் தோன்றும் - அதை விட ஆயிரம் மடங்கு பரவசம் கருவுற்ற பெண்ணின் வயிற்றுனுள் அனுதினம் நடக்கும்

ஒரு குழந்தைக்கு உயிர் கொடுக்கப் போகிறோம் என்கிற அந்த உணர்வு அவளை கடவுள் ரேஞ்சிற்கு கொண்டு சென்று சந்தோஸப்படவும் வைக்கும் - கருவிற்கு நம் அஜாக்கிரதையால் எதுவும் ஆகிவிடுமோ என்கிற உணர்வு அனுதினமும் கொன்று வதைக்கும் - மொத்தத்தில் அந்த ஒன்பது மாதங்களும் கடப்பதே இன்னவென்று சொல்லமுடியாத மனஉளைச்சலோடு தான்

ஆனால் பிரசவ வேதனை வந்து - உள்ளங்காலிலிருந்து உச்சந்தலை வரை நரம்புகள் எல்லாம் இழுத்துப்பிடித்தாற்போல் ஒரு வேதனை வருமே - அதற்கு மட்டும் ஆண்களுக்கு டெமோ மூலம் தெரிந்து கொள்ள விரும்பினால் - ஒவ்வொரு ஆணும் சாகத் துணிந்து தான் தெரிந்து கொள்ள வேண்டும்

பனிக்குடம் உடைந்து - மருத்துவமனை பிரசவ டேபிளில் படுத்திருக்கும் போது நர்சுகள் சொல்வது காதிலேயே விழாது - அந்த நொடியே என் உயிரை எடுத்துக்கோடா கடவுளே என்று தான் கிட்டத்தட்ட எல்லா உள்ளங்களும் வேண்டியிருக்கும்

வாயில் அதிக சூடுடன் காபியோ டீயோ தெரியால் ஊற்றி விட்டால் - உடனே முழுங்கவும் முடியாமல் துப்பவும் தோன்றாமல் ஒரு அரைவிநாடி குழம்பி - அந்தக்குழப்பத்திலேயே சிலர் ஓரிரு நொடிகள் தாமதமாகி கடைசியில் குடிக்கவோ துப்பவோ ஏதோ ஒன்று செய்துவிடுவர் - உங்களுக்கு அந்த அனுபவம் இருந்தால் அதை இதோடு ஓரளவு ஓப்பிடலாம் - அந்த இரண்டு விநாடிகளுக்கே நாம் அத்தனை துடி துடித்தால் பிரசவ வலி வந்து குறைந்த பட்சம் ஒரு மணிநேரம் அதிக பட்சம் ஓரிருநாட்கள் வரை கூட வலி பொறுத்திருக்க வேண்டிய சூழ்நிலை கர்ப்பிணிகளுக்கு

ஆனால் கடைசியில்

குழந்தை தலை வெளிவரும்போது வரும் அந்த உச்ச கட்ச ராட்சஷ வலியைக் கடந்து - தலைக்கு வெளியே வந்த பின் - அடுத்தடுத்த விநாடிகளில் துப்பாக்கியிலிருந்து வெளிவரும் தோட்டா போல் ஓரிரு நிமிடங்களுக்குள் வயிற்றில் இருந்த அத்தனை கழிவும் ஒரு காட்டாறு போல் கால் வழியே கடந்து வெளியே போனபின் ஒரு அந்த பிள்ளைத்தாச்சியின் உடலில் ஒருவித சுகம் வந்து நிற்குமே

அடடடா - வார்த்தைகளேயில்லை - படுத்தபடியயே வானில் ஒட்டுமொத்த உடலும் சொர்க்கத்தில் சிறகுகளை ஆட்டாமல் மிதந்து பறந்து செல்வது போல் இருக்கும்

அவ்வளவு ஒரு சுகம் - அதற்கு ஈடு இணையே இல்லை

அந்த சுகத்தை எப்பேர்ப்பட்ட கொம்பனாயிருந்தாலும் ஆணா பொறந்திருந்தா அனுபவிக்க முடியாது - பெண்ணா பிறந்திருந்தாலும் - கருவுற்று - அதுவும் சிசேரியன் இல்லாமல் பெற்று அதை உணர ஒரு கொடுபிப்னை நிச்சயம் வேண்டும்
-----------------------------
இன்று உச்சக்கட்ட வலி பிரசவம்... ஆனாலும் அதை சுக'ப்பிரசவம்னுதான் சொல்றோம்!

என்று நம்ம Kaadhal Sugumar பதிவு போட்டிருக்காங்க - அவருக்கு என் பதில் கமெண்ட் ஐ தான் இங்கே விரிவாக எழுதியிருக்கேன்

----------------

கிரிஸ் மணி பதிலுரை....

சகோதரி Sivakamy Sooraj அவர்களின் பதிவிற்கு என் பின்னூட்டம். நான் மிகவும் நுட்பமாக எழுதவில்லை. இருந்தாலும் epidural முறை சகோதரிகளைப் போய்ச்சேரும்.

இக்காலத்தில் epidural என்ற முறைப்படி முதுகில் தண்டு வடத்தின் ஒரு பகுதியில் ஒரு சில milli meter அளவு துளை செய்து ஒரு தந்துகி (capillary tube) வழியே இடுப்பிலிருந்துகால்வரை மரத்துப் போகும் மருந்தை சொட்டுச் சொட்டாக செலுத்தும் முறை உள்ளது. இதனால் பல மணி நேர வலியைத் தவிர்த்து குழந்தை வெளிவர ஆரம்பித்தவுடன் மரத்துப் போகும் மருந்தை நிறுத்திவிடுவார்கள். ஏனென்றால் இறுதிக்கட்டத்தில் ஒரு இருபது நிமிடம் தாய் வலியை உணர்ந்து உந்தித்தள்ளி தான் ஆக வேண்டும் கடும் வலியோடு!
ஓரளவு குழந்தை வெளிவர மருத்துவர் கத்தியால் பிறப்பு வழியை சிறிது அறுத்து(Episiotomy) உதவுவார். இரத்தம் பீறிப்பாயும்! சேதமடைந்த தசைத் துணுக்குகள் துண்டங்கள் சரிந்து விழும்! அவ்வளவு இரத்தத்தை நாம் வாழ்நாளில் பார்த்திருக்க முடியாது! இக்காட்சியைப் பார்க்க திடமான மனதும் அளவற்ற அன்பும் வேண்டும்! அன்றுதான் பெண் போகப் பொருளல்ல என்பதன் practical பயிற்சி எனலாம்! இன்னும் எவ்வளவோ சொல்லலாம்! அமெரிக்கா போன்ற நாடுகளில் காணொளி எடுக்க அனுமதி உண்டு. எப்போதாவது மனைவி " ஒரு தடவ போட்டுக் காட்டுங்க !" என்பார். " வேண்டாம்மா !"என மறுத்துவிடுவேன்! Epidural முறை கத்துக்குட்டி மருத்துவர்களிடம் செய்து கொள்ளாதீர்கள் சகோதரிகளே! சொதப்பினால் தண்டு வடத்தில் பிரச்சனை வரும்.

காஞ்சிப் பெரியவருக்கு ஒரே சந்தோஷம் – இஸ்மாயிலைப் பார்த்ததில்...!

யார் இந்த இஸ்மாயில்..?

சென்னை உயர்நீதி மன்றத்தின் தலைமை நீதிபதியாகப் பணியாற்றியவர் இந்த மு. மு. இஸ்மாயில்..!

இஸ்லாமியராக இருந்தபோதிலும் கம்ப ராமாயணத்தில் ஈடுபாடு அதிகம் கொண்டிருந்தவர் ..!
சென்னையில் கம்பன் கழகத்தை உருவாக்கி ஆரம்ப நாள் முதல் , தன் அந்திமக் காலம்வரை அந்த அமைப்பின் தலைவராக இருந்தவர்..!

“கம்பன் கண்ட சமரசம்” , “கம்பன் கண்ட ராமன்” இன்னும் பல இலக்கிய நூல்களை இனிக்க இனிக்க எழுதியவர்..!

அந்த கம்பனின் ரசிகரான நீதிபதி இஸ்மாயிலும் , காஞ்சிப் பெரியவரும் ஒருமுறை சந்தித்து , சந்தோஷமாக உரையாடினார்கள்..!
இலக்கியம்... கம்பராமாயணம்.... இன்னும் பல விஷயங்களைப் பற்றியும் இருவரும் விரிவாக விவாதித்தனர்...!
குறிப்பாக , நீதிபதி எம்.எம்.இஸ்மாயில் எழுதிய “மூன்று வினாக்கள்” என்ற புத்தகத்தைப் பற்றி..!

அந்தப் புத்தகத்தில் , “ வாலியை இராமன் மறைந்திருந்து கொன்றது சரிதான்..” என திட்டவட்டமாக , தீர்ப்பளித்து எழுதி இருந்தாராம் நீதிபதி இஸ்மாயில் ..!

அதைக் குறிப்பிட்டு காஞ்சிப் பெரியவர் , “ஒரு தலைமை நீதிபதியான , நீங்கள் இராமனுக்கே நீதி வழங்கி விட்டீர்கள் ” என்று ரொம்பவும் சந்தோஷப்பட்டாராம்..!

இருவரும் விடை பெறும் நேரம்..!
இப்போது மடத்திலிருந்தவர்களுக்கு மனதுக்குள் ஒரு பெருத்த சந்தேகம்..!

நீதிபதி விடை பெற்றுப் புறப்படும்போது...காஞ்சிப் பெரியவர் என்ன பிரசாதம் கொடுக்கப் போகிறார் ..?

இந்துக்கள் என்றால் விபூதி , குங்குமம் கொடுப்பார் ..!
ஆனால் ஒரு இஸ்லாமியருக்கு , இந்து மத பெரியவர் என்ன பிரசாதம் கொடுக்க முடியும்....?

இதோ... இஸ்மாயில் விடை பெற எழுந்து விட்டார்...!
அனைவரும் ஆவலோடு உற்று நோக்க....

காஞ்சிப் பெரியவர் ஒரு வெள்ளிப் பேழையில் இருந்த சந்தனத்தை எடுத்து , இஸ்மாயிலைப் பார்த்து “இந்தப் பேழையில் சந்தனம் இருக்கிறது... நம் இரு மதத்தினருக்கும் பொதுவான அம்சம் இந்த சந்தனம்...! உங்கள் தர்காவிலும் சந்தனக்கூடு இருக்கிறது...எங்கள் கோவில்களிலும் சந்தனம் இருக்கிறது... இதை அணிந்துகொண்டு நலமாக இருங்கள்” என்று வழியனுப்பி வைக்க , சந்தனத்தோடும் , சந்தோஷத்தோடும் புறப்பட்டுச் சென்றாராம் நீதிபதி எம்.எம்.இஸ்மாயில்..!

# படிக்கும்போதே சந்தனமாக மணக்கிறது இந்த சந்திப்பு...!

# அரைக்க அரைக்க சந்தனம் மணக்கும்....!
இது போன்ற பெரியவர்கள் இருக்க இருக்க
இந் நாட்டில் சமாதானம் இருக்கும்...!

சமூக நல்லிணக்கத்திற்கு 10 கட்டளைகள்

டாக்டர் கே.வி.எஸ். ஹபீப் முஹம்மத்

  நமது நாடு பல நூற்றாண்டுகளாகவே பல சமயத்தவர், இனத்தவர், மொழியினர், பண்பாட்டு மரபினர் வாழும் பன்மைச் சமூக நாடாக திகழ்ந்து வருகிறது. பன்மைச் சமூகச் சூழலில் இணக்கம் இருந்தால் மட்டுமே அமைதியும், மகிழ்ச்சியும் கிட்டும். நல்லிணக்கமே நாட்டின் ஒற்றுமைக்கும் இறையாண்மைக்கும் வலுவான அடித்தளமாகும்.

  சமூக நல்லிணக்கம் மலர, வெற்று வார்த்தைகளும், போலிப் பேச்சுகளும், கண் துடைப்பு நடவடிக்கைகளும் எவ்வகையிலும் உதவ மாட்டா. மனித நேயம், நீதி, நியாயம், தர்மம், அஹிம்சை ஆகியவற்றின் கொள்கைகளும், செயல்பாடுகளுமே சமூக நல்லிணக்கம் உருவாக வழி வகுக்கும்.

 1.மனித நேயத்துடன் வாழ்க !

  சமூக நல்லிணக்கத்திற்குத் தடையாக இருப்பது கொள்கை வேறுபாடுகள் அல்ல. சமூகங்களுக்கிடையில் காணப்படும் ஆதிக்க மனப்பான்மை, வெறுப்பு, பகைமை, மாச்சரியம், பொறாமை, அவநம்பிக்கை, சந்தேகம் ஆகியவையாகும். இவற்றைப் போக்கும் அருமருந்து மனிதநேயமே. மொழியால், இனத்தால், சமயத்தால் வேறுபட்டிருப்பினும் நாம் அனைவரும் மனிதர்கள். ஒரே வகையான உடலமைப்பு, உடல் செயல்பாட்டு முறை, உளவியல் போக்கு கொண்டவர்கள். நமது தேவைகளும், உணர்வுகளும், ஆசைகளும், நிராசைகளும் ஒரே மாதிரியானவை. எனவே, தனக்கு விரும்புவதையே பிறருக்கும் விரும்புவோம் என்று எண்ணிச் செயல்பட்டாலே நல்லிணக்கம் நம்மைத் தேடிவரும்.

  ஒன்றே குலம், ஒருவனே தேவன் – திருமூலர்

  யாதும் ஊரே, யாவரும் கேளிர் – கணியன் பூங்குன்றன்

  பிறப்பொக்கும் எல்லா உயிர்க்கும் – வள்ளுவம்

  மனிதர்கள் அனைவரும் ஒரே குலத்தில் இருந்து பிறந்தவர்கள் ஒரு தாய் தந்தையரின் வழித்தோன்றல்கள் குர்ஆன் – பைபிள்

   உலகம் ஒரு குடும்பம் வசுதைவ குடும்பகம் என்ற கோட்பாடுகளைச் செயல்படுத்தினால் மனித நேயம் உருவாகும்.

2. உணர்வுகளை மதித்திடுக !

  ஒருவரது மொழியை, இனத்தை, சமயத்தை இழிவுபடுத்தும்போது, மோதல்கள் உருவாகி, இறுதியில் கலவரமாக வெடிக்கின்றது. வகுப்புவாதிகள் மக்களைப் பிளக்க வெறுப்பு விதைகள் விதைப்பதையே வாடிக்கையாகக் கொண்டுள்ளனர். பிற சமயங்களை, கொள்கைகளை, சித்தாந்தங்களை மறுக்கலாம். ஆனால், உணர்வுகளை மதிக்க வேண்டும். மாற்றுக் கருத்துக்களை கண்ணியமாக, மனத்தைப் புண்படுத்தாமல் விமர்சிக்கலாம். ஆனால், இழிவு படுத்தக்கூடாது.

  (முஸ்லிம்களே !) அவர்கள் ஏக இறைவனை விடுத்து யாரை அழைத்து பிரார்த்தனை புரிகின்றார்களோ அவர்களை ஏசாதீர்கள்   (குர்ஆன் 6-108)

  பிற மதங்களைத் திட்டுவதும், விளைவுகளைப் பற்றி அக்கறை இன்றி அறிவிப்புகளை வெளியிடுவதும், பொய் பேசுவதும், அப்பாவி மக்களைக் கொல்வதும், கோயில்களையும், பள்ளிவாசல்களையும் களங்கப்படுத்துவதும் இறைவனை மறுப்பதாகும் காந்தியடிகள்.

3. வேற்றுமையில் ஒற்றுமை காண்க !

  ஒரு நாட்டில் பல்வேறு மதங்களும், பண்பாடுகளும், மொழிகளும் இருப்பது தவிர்க்க முடியாதது. ஒரு மதத்திற்குள்ளேயே கருத்து வேறுபாடுகள் உருவாவதும் தவிர்க்க முடியாதது. இப்படி இருக்கையில் ஒரே நாடு ஒரே மொழி ஒரே கலாச்சாரம் என்பது ஒற்றுமைக்கல்ல, வேற்றுமைக்கே இட்டுச் செல்லும். பிறரது உரிமைகளைப் பறிக்காத வகையில் ஒவ்வொரு பிரிவினரும் தமது சமயத்தை, பண்பாட்டைப் பின்பற்றி நடப்பதால் எவருக்கும் கேடில்லை.

  நமக்குத் தேவை ஒருமைப்பாடே தவிர பிற கலாச்சாரங்களை அழித்து ஒரே மாதிரியாக இருப்பது அல்ல.

 ஒற்றுமை வேறு

 ஒரே மாதிரியாக இருப்பது வேறு

  (இஸ்லாத்தை மேற்கொள்வதில்) யாதொரு கட்டாயமோ, நிர்பந்தமோ இல்லை (குர்ஆன் 2 : 256) என்ற இறைவசனம் கருத்துத் திணிப்பை வன்மையாக எதிர்க்கின்றது.

4. சம உரிமைகளையும், வாய்ப்புகளையும் வழங்குக !

  எவ்வித பேதமுமின்றி குடிமக்கள் அனைவரின் உயிர், உடைமை, கண்ணியம், நம்பிக்கை ஆகியவற்றிற்குப் பாதுகாப்பு அளிக்க வேண்டும். கல்வி, வேலை வாய்ப்பு, அரசியல் பொருளியல் தளங்களில் அனைவருக்கும் சம வாய்ப்புகள் வழங்க வேண்டும். ஒரு சமூகத்திற்கு ஒரு நீதி என்ற கொள்கையின் அடிப்படையில், உரிமைகளும், வாய்ப்புகளும் மறுக்கப்படும்போது பொறாமையும், வெறுப்பும், துவேஷமும் உருவாகி நல்லிணக்கம் குலைய நேரிடும். நீதி செலுத்துங்கள். எந்தவொரு கூட்டத்தார் மீதும் நீங்கள் கொண்டுள்ள பகைமை உங்களை நீதியிலிருந்து பிறழச் செய்து விடக்கூடாது.    (குர்ஆன் 5-8) என்ற இறைவசனம் பகைமை கொண்டுள்ள சமுதாயத்திற்கும் நீதி செலுத்திட வேண்டும் என்று பணிக்கின்றது.

5. எல்லோரும் நல்லவரே என்று எண்ணுக

  எல்லா சமயத்தவரிலும், இனத்தவரிலும் நல்லவர்களும் உண்டு கெட்டவர்களும் உண்டு என்று சாதாரண உண்மையை மறந்து நமது சமுதாயத்தவர் மட்டும் நல்லவர், பிற சமுதாயத்தவர் மோசமானவர் என்று எண்ணுவது விபரீதமான சிந்தனையாகும். நமது சமுதாயத்தவர்கள் நேர்மையானவர்கள், வீரர்கள், தேச பக்தர்கள், சகிப்புத்தன்மை உடையவர்கள், அறிவு மிக்கவர்கள், மென்மையானவர்கள் மற்ற சமுதாயத்தவர்கள் இதற்கு நேர் மாறானவர்கள் என்று எண்ணுவது உண்மைக்குப் புறம்பானது மட்டுமல்ல, வெறுப்பையும், பகைமையும் விதைக்கும் தன்மை கொண்டது. வகுப்புவாதிகள் பகைமையை வளர்க்க ஒரு குறிப்பிட்ட சமுதாயத்தை தீய சக்தியாக உருவகப்படுத்திக் காண்பிப்பார்கள். உருப்படியான கொள்கை எதுவும் இல்லாததால் ஒரு பொது எதிரியை உருவாக்கித்தான் தமது இயக்கத்தை வளர்க்க வேண்டிய கட்டாயத்தில் அவர்கள் உள்ளனர்.

  மாற்றான் தோட்டத்து மல்லிகையும் மணக்கும் என்ற உயரிய சிந்தனையே நல்லிணக்கத்தை ஏற்படுத்தும்.

 கிறிஸ்தவத்தோடு இஸ்லாம் கருத்து வேறுபாடு கொண்டிருந்தாலும், கிறிஸ்தவர்களின் சில செயல்களை விமர்சித்தாலும், கிறிஸ்தவர்களிடம் காணப்படும் நல்ல பண்புகளை இஸ்லாம் மதிக்கத் தவறவில்லை என்பதைப் பின்வரும் திருமறை வசனம் உணர்த்தும்.

  அவர்கள் (கிறிஸ்தவர்களுள்) வணக்கத்தில் திளைத்த அறிஞர்களும், துறவிகளும் இருக்கின்றனர், மேலும் அவர்கள் அகந்தை கொண்டவர்களாகவும் இல்லை – குர்ஆன் (5-82)

  நமது நாட்டின் வளர்ச்சி, முன்னேற்றம், கலை, இலக்கியம், பண்பாடு, விஞ்ஞானம், விளையாட்டு, கல்வி, மருத்துவம், சமூக சேவை ஆகிய எல்லாத் துறைகளிலும் எல்லா சமயத்தவரும், மாநில மக்களும் பங்களித்துள்ளனர் என்பதை நினைவில் கொள்ள வேண்டும். ஒரு குறிப்பிட்ட சமூகத்தவர் மட்டுமே நாட்டின் வளர்ச்சிக்குப் பங்களித்துள்ளனர் என்பது உண்மைக்குப் புறம்பானதாகும். இந்தச் செய்திகளை இளம் தலைமுறையினரும் புரிந்து கொள்ளும் வகையில் பாடப் புத்தகங்களிலும் இடம்பெறச் செய்ய வேண்டும்.

6. வரலாற்றைச் சரியான கோணத்தில் புரிந்து கொள்க

  மக்களைப் பிளவுபடுத்த வரலாறு ஒரு கருவியாகப் பயன்படுத்தப்படுகிறது. வகுப்பு வாதம் வகுப்பறைகளில் பாடப் புத்தகங்கள் வாயிலாக உருவாக்கப்படுகிறது என்பது மிகைப்படுத்தப்பட்ட கூற்றல்ல. நாட்டில் விடுதலைக்கு முன்னர் வெள்ளையர்கள் இந்து, முஸ்லிம்களைப் பிளக்க வரலாற்றைத் திரித்தும், புரட்டியும், இட்டுக் கட்டியும் எழுதி தமது ஆட்சிக் காலத்தை நீட்டித்துக் கொண்டனர்.

  அவர்கள் எழுதிச் சென்ற வரலாற்றுக் குறிப்புகளை இன்னமும் நாம் சரி செய்யாமல் இருப்பது, வகுப்பு துவேஷத்திற்கு உரம் ஊட்டுவதாக உள்ளது. இன்றைய வகுப்புவாதிகளும், வகுப்புவாதத்தை மேலும் வளர்க்க வரலாற்றையே ஓர் ஆயுதமாகப் பயன்படுத்துகின்றனர்.

  வரலாற்றில் பல தவறுகள், அநீதிகள் நடந்துள்ளன என்பது உண்மை. அவற்றை மூடி மறைக்காமலும், மிகைப்படுத்தாமலும், திரிக்காமலும் சொல்ல வேண்டும்.

  நடுநிலையோடு ஆதாரப் பூர்வமாக எழுதப்பட்ட வரலாற்றுக் குறிப்புகளை மட்டுமே கவனத்தில் கொள்ள வேண்டும். உள்நோக்கத்தோடும், ஒரு பக்கச் சார்போடும் எழுதப்பட்ட செய்திகளைப் புறக்கணிக்க வேண்டும்.

  வரலாற்றுக் குறிப்புகளில் உள்ள முரண்பாடுகளை அறிய வேண்டும். ஒரு முஸ்லிம் மன்னர் கோயிலை இடித்தார் என்று ஒரு குறிப்பு காணப்படுகிறது. அதே மன்னர் கோயில்களுக்கு மானியம் வழங்கினார் என்றும் ஆதாரப்பூர்வ ஆவணக் குறிப்புகள், கல்வெட்டுகள் காணக் கிடைக்கின்றன. எனவே, இங்கு ஓர் உண்மை திட்டமிட்டு மறைக்கப்படுகிறது என்பது அம்பலமாகிறது.

  மன்னர்களுக்கிடையில் நடைபெற்ற சண்டைகள் மதங்களுக்கிடையில் நடைபெற்ற சண்டைகளாகவும், சமூகங்களுக்கிடையில் நடைபெற்ற சண்டைகளாகவும், சித்தரிக்கப்படுகின்றன. நாடு பிடிக்கும் ஆசையிலும், செல்வ வளங்களை சுருட்டிக் கொள்ளும் ஆசையிலும் மன்னர்களுக்கிடையில் போர்கள் நடைபெற்றன. இப்போர்கள் மதப்பிரச்சாரத்திற்காக நடைபெற்றவை அல்ல. முஸ்லிம் மன்னர்களின் படையில் தளபதிகளாகவும், சிப்பாய்களாகவும் இந்துக்கள் இருந்துள்ளனர். அதுபோலவே இந்து மன்னர்களின் படைகளில் முஸ்லிம்கள் இடம் பெற்றுள்ளனர். முஸ்லிம் மன்னரும், இன்னொரு முஸ்லிம் மன்னரும் மோதிக்கொள்ளும் வேளையில் அவர்கள் இருவருக்கும் இந்து மன்னர்கள் உதவி உள்ளனர். எனவே இந்த மோதல்களுக்கு மதச்சாயம் பூசுவது உண்மைக்கும் புறம்பானதாகும்.

  வரலாற்றில் நிகழ்ந்துள்ள பிழைகளைச் சரிசெய்யப் புறப்பட்டால் வரலாற்றில் எந்த காலகட்டம் வரை செல்வது? எனவே, வரலாற்றிலிருந்து படிப்பினை பெற்று, அதுபோன்ற தவறுகள் மீண்டும் நடைபெறாமல் பார்த்துக் கொள்வதே அறிவுடைமையாகும்.

  வரலாற்றில் என்றோ நடந்து விட்ட தவறுகளுக்கு இப்போது வாழும் மக்களை குற்றவாளிக்கூண்டில் நிறுத்தித் தண்டிப்பது நியாயமல்ல.

  வரலாற்று நிகழ்வுகளை இந்த நோக்கில் அணுகாவிடில் உலக முடிவு நாள் வரை நாட்டு மக்களுக்கு அமைதி கிட்டாது.

7. சமூக சேவை ஆற்றுக

  சமூக சேவை பகைமையையும் துவேஷத்தையும் அகற்றி மக்களை இணைக்கும் ஆற்றல் கொண்டது. எனவே, ஒவ்வொரு சமூகமும் சாதி, மதபேதமின்றி அனைவருக்கும் பலன் கிட்டும் வகையில் சமூக சேவைகளைச் செய்து வர வேண்டும். சமூக சேவை, சமூக சேவைக்காகவே செய்யப்பட வேண்டும். சமூக சேவையோடு, மதப் பிரச்சாரத்தையும், கொள்கைப் பிரச்சாரத்தையும் இணைப்பது நல்லிணக்கத்திற்கு ஊறு விளைவிக்கும்.

  சமூக சேவை செய்வது போலவே, நாட்டின் வளர்ச்சிப் பணிகளிலும் எல்லா சமூகங்களும் பங்கேற்க வேண்டும். இப்பணிகளில் எல்லோரும் இணைந்து செயல்படும் போது சமூகங்களுக்கிடையே நெருக்கம் அதிகமாகும். இப்பணிகளில் எந்தச் சமூகத்தையும் ஒதுக்கவும் கூடாது எந்தச் சமூகமும் ஒதுங்கவும் கூடாது.

8. ஒருவரை ஒருவர் புரிந்து கொள்க

  நமது நாட்டில் பல்வேறு சமூகங்கள் நூற்றாண்டுகளாக அருகருகே வாழ்ந்து கொண்டிருந்தாலும், ஒரு சமூகத்தின் நம்பிக்கை, கோட்பாடு, வழிபாட்டு முறைகள், பண்பாடு, அச்சமூகத்தின் பிரச்சனைகள், அவர்களுக்கு இழைக்கப்படும் அநீதிகள் ஆகியவை பற்றி மற்றொரு சமூகத்திற்குத் தெரியாது. அரசியல், பொருளியல், வாணிபம், தொழில், கல்வி, வேலை வாய்ப்புகள் ஆகிய எல்லாவற்றையும் பேசுவார்கள். ஆனால் சமூகம், சமயம் சார்ந்த விஷயங்களைப் பரிமாறிக் கொள்ள மாட்டார்கள்.

  இதன் விளைவாக சமூகங்களுக்கிடையில் பெருத்த இடைவெளி ஏற்பட்டுள்ளது. இந்த இடைவெளியைத்தான் வகுப்புவாதிகள் தமக்குச் சாதகமாகப் பயன்படுத்திப் பொய்யான செய்திகளை மக்களிடையே பரப்பி, வெறுப்புத் தீயை வேகமாக வளர்க்கின்றனர். எனவே, சமூகங்களுக்கிடையே புரிந்துணர்வை அதிகப்படுத்த பல்சயமப் பல் சமூக உரையாடல்களையும் அடிக்கடி நடத்த வேண்டும்.

9. அநீதிக்கெதிராக குரல் எழுப்புக

  மதவெறி, இனவெறி காரணமாக ஒரு சமூகத்தின் உரிமைகள் பறிக்கப்படும்போதும், அச்சமூகத்தினருக்கு அநீதிகள் இழைக்கப்படும் போதும் நாட்டின் எல்லா தரப்பு மக்களும் ஒரே குரலில் கண்டிக்க வேண்டும். அநீதி இழைப்பவர் நமது சமூகத்தவராயினும் விளைவுகளைக் கண்டு அஞ்சாமல் துணிந்து எதிர்க்க வேண்டும். தமது சமூகம் செய்யும் அநீதிகளுக்குத் துணை நிற்பதே இனவெறி என்றார்கள் நபிகள் நாயகம் (ஸல்) அவர்கள்.

  வகுப்பு வெறியர்களை அடையாளம் கண்டு தனிமைப்படுத்தி அவர்களோடு எந்த அரசியல் உறவுகளும் வைத்துக் கொள்ளக் கூடாது. அவர்கள் ஆட்சிக் கட்டிலில் ஏறி விடாதவாறு பார்த்துக்கொள்ள வேண்டும். வகுப்புவாதிகள் ஆன்மீகப் போர்வையிலும் அரசியல் போர்வையிலும் மக்களை ஏமாற்றுகிறார்கள், ஆன்மீகம் வேறு, வகுப்புவாதம் வேறு என்பது மக்களுக்குத் தெளிவாக்கப்பட வேண்டும்.

  வகுப்பு மோதல்கள் நடைபெறும் வேளையில் மட்டும் எதிர்ப்பது, பின்னர் மெளனம் காப்பது என்ற நிலையை விடுத்து வகுப்புவாதத்திற்கு எதிராகத் தொடர்ந்து தொய்வின்றிக் குரல் எழுப்ப வேண்டும்.

  வகுப்பு மோதல்களுக்கான அறிகுறிகள் தென்படும் போது, அப்பகுதிகளுக்குச் சென்று மக்களிடையே நல்லிணக்கத்தை ஏற்படுத்த வேண்டும்.

10. நன்மையைக் கொண்டே தீமையைத் தடுத்திடு

  நன்மையும், தீமையும் சமமாக மாட்டா, மிகச்சிறந்த நன்மையைக் கொண்டு தீமையைத் தடுப்பீராக, அப்போது கடும் பகை கொண்டவர்கள் கூட உற்ற நண்பர்களாகி விடுவதைக் காண்பீர் என்று கூறுகிறது திருக்குர்ஆன் (41-34,35)

  நெருப்பை நெருப்பால் அணைக்க முடியாது.

  அது போலவே ஒரு தீமையை இன்னொரு தீமையின் வாயிலாகக் களைந்து விட முடியாது. வகுப்பு வாதத்தை இன்னொரு வகுப்பு வாதத்தால் ஒழிக்க முடியாது.

  வகுப்பு வாதிகள் துவேஷத்தை விதைத்தால் நாம் அன்பை விதைப்போம்.

  வகுப்பு வாதிகள் பொய்ச் செய்தியைப் பரப்பினால் நாம் உண்மையைச் சொல்வோம்.

  சமூக நல்லிணக்கம் மலர பத்து கட்டளைகள் வழங்கப்பட்டுள்ளன. இவற்றைச் செம்மையாக வாய்மையாகச் செயல்படுத்தினால் மதவெறி, ஜாதி வெறி சாய்ந்து மனித நேயம் வளரும்.

( தினமணி – ஈகைப் பெருநாள் மலர் 2015 )

நான் திராவிடத்தையும், தலைவர் கலைஞரையும் ஏன் நேசிக்கிறேன்...

படியுங்கள்:-

(ஒரு வரலாற்று ஆவண தகுதி பெற்ற பதிவு)

----------------

Arivazhagan Kaivalyam

தி.மு.க வையும், தலைவர் கலைஞரையும் கண்மூடித்தனமாக ஆதரிக்கிறீர்கள்.... திரை நாயகர்களுக்கு இருக்கிற வெள்ளந்தியான பாலூற்றும் ரசிகர்களைப் போலத் தான் நடந்து கொள்கிறீர்கள்...... மனைவியில் இருந்து துவங்கி, நண்பர்கள் பலர் இப்போது இப்படித்தான் சொல்கிறார்கள்.

தி.மு.க ல இருக்குறதும், கலைஞரை கண்மூடித்தனமாக ஆதரிக்கிறதும் பாலூற்றித் தேங்காய் உடைக்கும் ரசிக மனநிலை இல்லீங்க, அதுக்கு வரலாற்றுப் பூர்வமான காரணங்கள் பல இருக்கு. அது ஒரு வகையான நன்றிக் கடனுங்கோ சாமிகளா, ஒரு புள்ளிவிவரத்தோட அதை எல்லாம் உங்களுக்குச் சொன்னால் தான் புரியும்.

1) ஆடு மாடு மேச்சுகிட்டு, விவசாயத்தைத் தவிர எதுவுமே தெரியாம அடிமை வாழ்க்கை வாழ்ந்த எங்க ஊரோட வரலாற்றில் "பெரியார்" என்கிற மகத்தான மனிதரின் வரவுக்குப் பின்னால தாங்க படிப்போட வாசனையே வந்தது, உள்ளூர்ல இருக்குற சாதி அரசியல் கூடத் தெரியாம இருந்த எங்க குடிசைல மார்க்சும், லெனினும், டால்ஸ்ட்டாயும், சோவியத் யூனியனும், வெள்ளை வேட்டியும், வெளி உலகமும் வந்து சேந்ததே சுயமரியாதை இயக்கம் தோன்றிய 1925 ஆம் ஆண்டுக்குப் பின்னால தாங்க.

2) ஒடுக்கப்பட்ட உழைக்கும் மக்கள் கல்வி கற்பதே குற்றம்னு சொன்ன மனு நீதியின் கவசங்களை உடைத்து அப்பாவ ஊரின் முதல் முதுகலைப் பட்டதாரியா மாத்துனது இதே அண்ணாவின் தலைமயிலான திராவிட முன்னேற்றக் கழகம் கொடையளித்த இட ஒதுக்கீடும், சட்டத் திருத்தங்களும் தாங்க ராசாக்களா.

3) சில நூறு ஆண்டுகளா ஐயரும், ஐயங்காரும், செட்டியாரும், முதலியாரும் இன்னும் பல ஐயாமாரும் மட்டுமே அதிகாரிங்களா இருந்த வருவாய்த் துறைல அப்பாவ சார் பதிவாளரா உக்கார வச்சு அழகு பாத்தது இதே கலைஞரோட திராவிட முன்னேற்றக் கழகமும் அதன் ஒன்றியச் செயலாளரும் தாங்க ராசா.

4) பொருளாதாரச் செழுமையையும், போட்டியிடுகிற மனதையும், நமனை அஞ்சோம் என்கிற துணிவையும் அந்த இயக்கம் அப்பாவுக்குக் கொடுத்த வேலையும், அந்த இயக்கம் அப்பாவுக்குக் கொடுத்த அரசியல் அறிவும் தானேங்க ஐயா எங்களுக்கும் கொண்டு வந்து சேர்த்தது.

5) அதுமட்டுமில்லைங்கையா, அரசியல்ங்குறது வெறும் அதிகாரச் சண்டையோ, இல்லை, சுரண்டலோ இல்ல, அது ஒரு சக மனிதனின் வலியைப் புரிந்து கொள்கிற வாழ்க்கை முறைன்னு ஈழத்தமிழ் மக்களின் துயரங்களை ஊர் ஊராக புகைப்படக் கண்காட்சி வச்சு அறிமுகம் பண்ணினதும், இலக்கியமும், வரலாறும், இசையும் இன்னும் எல்லாமும் கலந்தது தான் அரசியல் என்கிற வாழ்க்கையோடு அற்புதமான பாடத்தையும் எங்களுக்குச் சொல்லிக் கொடுத்தது இப்பவும் "ஊழல்வாதி", ஊழல்வாதி என்று கீறல் விழுந்த ரிக்கார்ட் மாதிரி பினாத்துரீங்களே அதே தலைவர் கலைஞர் தலைமையிலான இந்த சமூகப் பேரியக்கம் தான்லே அப்பரண்டிசுகளா.

6) அதுமட்டுமில்ல, தி.மு.க ல இருக்குறதும், கலைஞரைப் பின்பற்றுவதும் என்னைப் பொருத்தவரை அறிவியல் பூர்வமான வாழ்க்கை முறை, தி.மு.க ன்னு சொன்ன உடனேயே சமூக நீதிக்கு எதிரான எவனும் உடனே எதிர்ப்பான், முக்கியமா பார்ப்பனன், பழிப்பான், கரிச்சுக் கொட்டுவான், குய்யோ, முறையோன்னு கூத்தாடுவான், ஊழல், ஹிந்தி, மொழித் தீவிரவாதம், இட ஒதுக்கீடு அது இதுன்னு நம்மளோட எப்பப் பாத்தாலும் சண்டைக்கு வருவான், அவனோட முட்டி மோதி தில்லா நிக்கும் போது ஒரு தன்னம்பிக்கையும், மிதப்பான அறிவாற்றலும் கூடவே வரும் பாருங்க, அந்த அனுபவத்துக்காகவே கலைஞரை இன்னும் பல தலைமுறைக்கு வழிபடலாம்.

7) அரசியல் மட்டுமில்லை வாழ்க்கை ஒரு தலைவனுக்கு, மொழிய சும்மா வாய் கிழியகெட்ட வார்த்தை போட்டு மேடைல பேசினாப் போதாது, தூசி தட்டி, எழுது உன் இலக்கியத்தை, படி உன் புறநானூற்றை, கற்றுக் கொள் உன் சங்கத்தமிழை என்று நெஞ்சு நிமிர்த்தி எம் உயிருக்கும் மேலான மொழியை எங்கள் கைகளில் தவழ விட்டார் பாருங்க, அதுக்காக நாங்க எங்க போனாலும் அவரைத் தலையில் வச்சுக் கொண்டாடுவோம் அப்பாடக்கர்களா, திரைப்படம், இசை, கவிதை, கதை, கட்டுரை, வரலாறு, மொழிபெயர்ப்பு என்று அறுபதாண்டு காலம் தொடர்ந்து ஒரு மொழிக்காக உழைக்கிற ஒரு மனிதனை மதிக்கக் கூட வேண்டாம்ல சுய அறிவு இல்லாத குருட்டுப் பசங்களா, வந்தேறி வடுகன்னு வாய் கூசாமச் சொல்றீங்களே, அதுக்காகவாவது அவரை நாங்க வழிபடுவோம்லே.

8) ஒருபக்கம் தொடர்ந்து 40 ஆண்டுகளுக்கு மேலாக எதிர்க்கும் பார்ப்பனீய ஊடகங்கள், இப்போது எதிர்க்கும் பார்ப்பன அடிவருடி ஊடகங்கள், இன்னொரு பக்கம் எங்கே சமூக நீதி, இட ஒதுக்கீடு என்று நம்ம சொகுசு வாழ்க்கைலயும் கை வச்சுருவரோன்னு பயந்து மக்களுக்குக் கிடைத்த நன்மையின் அலைக்கற்றை மானியத்தை 1,76,000 கோடி ஊழல், அது இதுன்னு அடிச்சு விடுற வடநாட்டு முதலாளிகளும், சுப்ரமணிய சாமிகளும் ஆர்.எஸ்.எஸ் பார்ப்பன லாபி, ஊழல் செய்வதற்காகவே ஆட்சி நடத்தும் ஜெயா, அரசியல் அரிச்சுவடியை அவரிடமே படித்து விட்டு இப்போது மக்கள் நலம் அது இதுன்னு அல்டாப் காட்டும் வை.கோ வைப் போன்ற துரோகிகள் என்று பல எதிர்ப்புக்கு இடையேயும் நின்னு விளையாடுற கிழட்டுச் சிங்கத்துகிட்ட தான்லே அரசியல் படிக்க முடியும், ஆத்தாகிட்டப் போயி அடிமைக் கூனா வாங்க முடியும்.

9) வாழ்க்கையை சுவாரசியம் ஆக்குகிற நக்கலும், நையாண்டியுமாக, நடைமுறைல சாதியையும் மத வேற்றுமைகளையும் கடந்து எல்லா மனிதர்களோடும் தலை நிமிர்ந்து வாழ்க்கையின் ஊடாக ஒரு அழகான பயணம் லே தி.மு.க காரனா இருப்பதும், கலைஞரைக் கண்மூடித்தனமாக ஆதரிப்பதும்......

10) எல்லாத்துக்கும் மேலே சொந்த சாதிக் கட்சியை மறந்து, மதங்களைக் கடந்து, மதவாத இந்துத்துவப் பார்ப்பணீயத்தை எதிர்த்து, எளிமையான உழைக்கும் மக்களின் பின்னே நிற்பதும், எனது இஸ்லாமிய சகோதரனின் வாழ்வுக்கு அரணாக எப்போதும் நின்று நான் ஒரு தி.மு.க காரன் என்று சொல்வதும், கலைஞரை கண்மூடித்தனமாக ஆதரிப்பதும் ஒரு நேர்மையான நன்றிக் கடன் கொண்ட மானுட அறிவியல் என்னைப் பொருத்தவரை.

# ஜெயிக்கிறமோ, தோக்குறோமோ, அதெல்லாம் செக்கன்டரி பாஸ், ஓங்கி அடிச்சா சங்கத்தமிழ், ஒய்யாரமா உக்காந்தா புறநானூற்று வீரம், பார்லிமென்ட் போனா ஸ்பெக்ட்ரம் பாமரன் கைக்குப் போகும், அம்பானிக்கும், டாட்டாவுக்கும் போகாது, மொழியையும், இலக்கியத்தையும், சமூக அறிவியலையும், நக்கலையும், நையாண்டியையும் ஒரு அரசியல் கட்சில பாத்துருக்கியா ஒலகத்துல எங்கேயாச்சும், வந்து பார், வந்து பார்...

தந்தை யார்..?

1. தந்தைக்கு முன்பு குரலை உயர்த்தாதீர்..!

அவ்வாறு செய்தால் இறைவன் உங்களை தாழ்த்தி விடுவான்..

*
2. தந்தையின் கண்டிப்பை பொருத்து கொள்ளுங்கள்..!

அதனால் உங்களுக்கு மரியாதை கிடைக்கும்....

*
3. தந்தைக்கு மரியாதை செய்யுங்கள்..!

அதனால் உங்கள் பிள்ளைகள் உங்களுக்கு மரியாதை செய்யக்கூடும்..!

*
4. தந்தை சொல்வதை கவனமாக கேளுங்கள்..!

ஏனென்றால் பிறர் நமக்கு ஏதும் சொல்லும் நிலமை வரக் கூடாது..?

*
5.தந்தைக்கு முன்பு பார்வையை தாழ்த்தி கொள்ளுங்கள்..!

அதனால் இறைவன் மக்கள் பார்வைக்கு முன்பு உயர்ந்த கண்ணியம் அளிப்பான்..!

*
6. தந்தையின் வாழ்க்கை அனுபவங்கள் நமக்கு தெளிவான ஒரு புத்தகம் ஆகும்..!

அந்த ஒவ்வொரு பக்கத்தைக் கொண்டு (பாடமாக) பயன் அடைந்துக்கொள்ளுங்கள்..

*
*
* தந்தை என்பவர், அனைவரையும் விட, மிக சிறந்த முறையில், நமக்கு நன்மை செய்யக்கூடியவர்...

* மிகவும் அழகாக முறையில் நம்மை பாதுகாக்க கூடியவர் ஆவார்...

* அவரின் மரணத்திற்கு முன்பே அவருக்கு மரியாதை செய்வோம்...

* அவருக்கு செய்ய வேண்டிய கடமைகளில், குறை வைத்து விட வேண்டாம்

அவர் உன்னுடைய அருகில் இருக்கும்போது அவர் உடைய

அருமைஉனக்கு தெரியபோவதுமில்லை

- பேஸ்புக் 

ஆன்மீகம் அறிவோம் .... - ஷஃபிய்யா காதரிய்யா

ஆன்மாவைப் பற்றி பேசும் கலைக்கு ஆன்மீகம் என்று பெயர்.உடலைவிட ஆன்மா உயர்ந்தது.ஏனென்றால் உடல் அழியும் தன்மையுள்ளது.ஆன்மா அழியாதது.

‘’ உடல் பலத்தைவிட ஆன்ம பலம் மேலானது ஏன் தெரியுமா ? உடல் பலம் கல்லை உடைக்கும் இரும்பை பிளக்கும் ஆனால் , ஆன்மா பலம் சந்திரனையே பிளக்கும் “”

படைப்பின் நோக்கம் :-

இறைவன் அருள் மறையில் கூறுகிறான் :
மனித இனத்தையும் ஜின் இனத்தையும் என்னை வணங்குவத்ற்காகவே தவிற படைக்கவில்லை [ 51=56 ]
ஆனால் குர்ஆனின் விரிவுறையாளர்களின் தலைவர் ஹஜரத் இப்னு அப்பாஸ் ரலியல்லாஹூ அன்ஹூ அவர்கள் இந்த ஆயத்தில் இடம் பெற்றவுள்ள “ லியஃபுதூன் “ [ வணங்குவதற்காக ] என்ற வார்த்தைக்கு “ லியஃரிஃபூன் “ [ என்னை அறிந்து வணங்குவதற்காக ] என்று பொருளாக்கம் செய்துவுள்ளார்கள்

எனவே நம்முடைய அமல்கள் இறைவனிடத்தில் அங்கீிகரிக்க வேண்டுமே ஆனால் இறைஞானம் கலந்த வணக்கம்மாக இருக்க வேண்டுமே தவிர ! ஏதோ சடங்காக ,சம்பிரதாயமாக இருக்க கூடாது .
இறைஞானம் என்பது வெரும் வாய்வார்த்தையால் மட்டும் முழங்குவது அல்ல !
நம்முடைய வாழ்கையின் உயீர் நாடி துடிப்பு என்பதை விளங்கவேண்டும். இதனால் தான்

கல்விகடல் இமாம் கஸ்ஸாலி ரஹ்மதுல்லாஹி அலைஹி அவர்கள் கூறினார்கள் :-
“ ஒரு மனிதன் இவ்வுலகில் எல்லாம் பெற்று இறைஞானம் மட்டும் பெறவில்லையானால் எதையும் பெறாதவனைப் போன்றவனாவான்.அதே நேரத்தில் இறைஞானம் மட்டும் பெற்ற வேறு எதைப் பெறாவிட்டாலும் எல்லாம் பெற்றவனைப் போன்றவனாவான்.

இறைஞானத்தின் முக்கியதுவம் :-

நமது இமாமுன இமாமுல் அஃழம் அபூஹனீஃபா [ ரலியல்லாஹூ அன்ஹூ ] அவர்களிடம் தாங்களு வயது என்ன ? என்று கேட்கப்பட்டது.அதற்கு இமாமவர்கள் :- “ இரண்டு “ என்று பதில் கூறினார்கள்.இந்த பதிலைக் கேட்ட அவர்களின் மாணவர்களான இமாம் அபூ யூசுப், இமாம் முஹம்மது ரஹ்மதுல்லாஹி அலைஹி அவர்கள் ஆச்சரியப்பட்டவர்களாக இமாம் அஃழம் அபூஹனீஃபா ரலியல்லாஹூ அன்ஹூ அவர்களிடம் திருப்பவும் கேட்டார்கள். இமாம் அவர்களே ! தலைமுடி தாடியெல்லாம் பஞ்சைப் போன்று நரைத்து முதிர்ந்த நிலையில் இருக்கும் தாங்கள்வயது இரண்டு என்கிறீர்களே அதற்கான விளக்கம் யாது என்றார்கள்.அப்போது இமாமுல் அஃழம் ரலியல்லாஹூ அன்ஹூ அவர்கள் பெருமானார் ஸல்லல்லாஹூ அலைஹி வ ஸல்லம் அவர்களின் திருப் பேரரான இமாம் ஜஃபார் ஸாதிக் நாயகம் ரலியல்லாஹூ அன்ஹூ அவர்களின் சமூகத்தில் இரண்டு ஆண்டு தங்கியிருந்து அகமிக ஞானங்களைப் படித்தேன் எனவே அந்த இரண்டு ஆண்டுகளைத்தான் என் வாழ்வில் பொற்காலமாக கருதுவதுடன் அந்த இரண்டு ஆண்டுகளைத்தான் என் வயதாகவும் நினைக்கின்றேன் என்று கூறினார்கள்

சூஃபியாக்கள் சொல்லிக்காட்டுவார்கள் :-

“”என்று நீ பிறந்தாயோ அன்றிலிருந்து உனது வயது தொடங்குவதில்லை.எப்போது இறைவனை அறிய முற்படுகிறாயோ அப்போதிலிருந்து உனது வயது ஆரம்பிக்கிறது.””

முதல் பணி :-

இறைஞானத்தை பெறவேண்டும் என்று பயணம் புறப்பட்ட மனிதன் தனது இலக்கை அடைய வேண்டுமானால் முதன் முதலாக அவன் செய்ய வேண்டிய முதல் பணி உள்ளத்தை தூய்மைப்படுத்துவது தான் இறைவன் அருள் மறையில் பதினோரு சத்தியங்கள் செய்துவிட்டு “” உள்ளத்தை தூய்மைப்படுத்தியவர் வெற்றி கண்டார் ,உள்ளத்தை மாசுபடுத்தியவர் தோல்வி அடைந்தார்”” என்று குறிப்பிடுகிறான்.குர்ஆனில் வேறு எதைச் சொல்வதற்க்கும் இத்தனை சத்தியங்கள் செய்யவில்லை என்பது குறிப்பிடத்தக்கது
இறைவன் 11 சத்தியம் இடுகிறான் என்றால் அந்த செய்தி எவ்வளவு முக்கியமாக இருக்கும் என்று எண்ணிப்பாருங்கள்.உள்ளத்தை சுத்தப் படுத்துவது மிக முக்கியமான விசையமா என்று பார்த்தால் இறைவன் தன் தூதர்களை அனுப்பிய நோக்கம் பற்றி கூறிகாட்டும் போது இப்படி சொல்லுகிறான்
“ இறைத்தூதர் மக்களுக்கு இறைவனின் வசனங்களை ஓதிக் காட்டுவார்.மேலும் ஞானங்களை கற்றுக் கொடுப்பார் மக்களின் உள்ளங்களை தூய்மைப்படுத்துவார்.

[ 1 ] = ஓதிக்காட்டுவார்
[ 2 ] = ஞானத்தை கற்றுத்தருவார்
[ 3 ] = உள்ளத்தை தூய்மை படுத்துவார்
உள்ளத்தை தூய்மைப்படுத்துதல் என்றால் நெஞ்சைப் பிளந்து இதையத்தை வெளியே எடுத்து சோப்புப் போட்டு சுத்தம் செய்ய வேண்டும் என்பதல்ல பொருள் ‘ நான் – எனது ‘ என்ற ஆணவத்தை அழிப்பது தான் உளத்தூய்மை.

‘’ நான் மறையைக் கற்றவன் ஞானியில்லை தன்னுள் தான் மறைய கற்றக் கொண்டவனே ஞானி என்று தமிழ் கூறும் நல்லுலகம் இயம்பும். நான்கு வேதங்களையும் கரைத்துக் குடித்துவிட்டால் மட்டும் ஞானியாகி விட முடியாது.

‘ நான் ‘ என்ற அகந்தை மமதையை தன்னுள் மறையகற்றுக் கொண்டால்தான் ஞானியாக முடியும்.
தகுதியுள்ள ஆசான் அவசியம் :-

உள்ளத்தூய்மை பெற்று இறைவனை அறிய கல்வி இருவகைப்படும்
[ 1 ] = தாளைப் படித்து பெருவது
[ 2 ] = ஆசானைப் பிடித்து பெருவது
இறைவனைப் பற்றி அறிந்து கொள்ள தாளைப் படிக்கக்கூடாது ஏன் என்றால் ஏட்டுச் சுரக்காய் கறிக்கு உதவாது.எனவே ஆசானைத்தான் பிடித்து ஆகவேண்டும்.இன்றியமையாத அவசியத் தேவை தகுதியுள்ள ஓர் ஆசானைப் பெருவதுதான் இறைவன் குர்ஆனில் கூறினான்: - [25-59] ‘ ரஹ்மானைப் பற்றி தெரிந்தவர்களிடம் கேட்டுத் தெரிந்து கொள்ளுங்கள் ‘

நல்வழிகாட்டும் இத்தகைய ஆசான் ஒருவருக்கு கிட்டவில்லையானால் அது வழிகேட்டின் அடையாளமென்பதை இறைவன் எச்சரிக்கை விடுக்கிறான்.
இறைவன் யாரை வழிகெடுக்கிறானோ அவருக்கு நேர்வழி காட்டும் ஆசிரியரை [ நபியே ] நீங்கள் நிச்சயம் பெறமாட்டீர்கள். [ 18=17 ]

உலகப்பற்றை துறத்தல் :-

இவ்வுலகில் நாமிருந்தாலும் உலக ஆசை நமது இதயங்களில் நுழைந்து விடாமல் நம்மை நாம் தற்காத்துக் கொள்ள ஆன்மீகப் பாதை அவசியம் “ மறுமை வாழ்வுதான் உண்மையான வாழ்க்கை “ என்று இறைத்தூதர் ஸல்லல்லாஹூ அலைஹி வஸல்லம் அவர்கள் கூறியிருப்பதையும் கவனத்தில் கொள்ள வேண்டும் இவ்வுலகில் நாம் இருக்கிறோம் என்று சொல்லலாமே தவிர ,வசிக்கிறோம் என்று கூறக்கூடாது ஏனென்றால் ‘ வசித்தல் ‘ என்பதற்கும் ‘ இருத்தல் ‘ என்பதற்க்கும் வித்தியாசமுண்டு .அதனால் தான் வீட்டில் வசிக்கிறான் என்றும் ஜெயிலிலே இருக்கிறான் என்றும் கூறுகிறோம்.
ஏன் தெரியுமா ?

வீட்டிலே கதவுக்கு தாழ்ப்பாள் உட்புறமிருக்கும்.
ஜெயிலில் கதவுக்கு தாழ்ப்பாள் வெளிப்புறமிருக்கும்
வீட்டில் கதவை நாம் சாத்துவோம்.
ஜெயிலில் கதவை பிறர் சாத்துவார்கள்
வீட்டில் நம்விருப்பப்படி வாழ்கிறோம்
ஜெயிலில் பிறர் கட்டுப்பாட்டில் இருக்க வேண்டும் !

இவ்வுலகில் நாம் தாமரை இலை நீரைப்போல் இருக்க வேண்டும்,நீர் இலையில் இருக்கும் ஆனால் ஒட்டாமல் இருக்கும்.படகு தண்ணீரில் இருந்தால் தவறில்லை.தண்ணீர் படகுகள் வந்தால்தான் ஆபத்து.
இவ்வுலகில் நாமிப்பது தவறில்லை,உலகம் நம் உள்ளத்துக்குள் வருவது தான் ஆபத்து.
இதனால் தான்

முஹையீதீன் அப்துல் காதிர் ஜீலானி ரலியல்லாஹூ அன்ஹூ அவர்கள் கூறினார்கள் :-

பூமியிலே உள்ள [ எனது தோட்டங்கள் மற்றும் ] செல்வங்கள் பூமியில்தான் உள்ளன. எனது உள்ளத்தில் இறைவன் மட்டும் இருக்கிறான்.
வணக்கம் எவ்வாறு அமைய வேண்டும் மென்பதை இறைத்தூதர் ஸல்லல்லாஹூ அலைஹி வஸல்லம் அவர்கள் விளக்கினார்கள் :-
இறைவன் நீ பார்ப்பது போன்று வணங்கவேண்டும்.நீ அவனை பார்க்காவிட்டாலும் அவன் உன்னை பார்த்து கொண்டு இருக்கிறான் என்ற உணர்வோடாவது வணங்க வேண்டும்
ராபியத்துல் அதவிய்யா ரழியல்லாஹூ அன்ஹா அவர்கள் இறைவனிடம் அடிக்கடி முறையிடுவார்கள்;-
இறைவனே ! நான் உன்னை வணங்குவது நீ படைத்திருக்கிற சொர்க்கத்தின் மீது ஆசைப்பட்டல்ல.நரகத்தை எண்ணி அஞ்சியுமல்ல நான் உன்னை வணங்குகிறேன் .ஏன் தெரியாது ? உன்னுடைய திருப்பொருத்தம் அடைய வேண்டமென்பதற்காக

வேண்டுகோள் :-

நாம் படைக்கப்பட்டதின் நோக்கமும் மறுமையின் வெற்றியும் நிறைவேற வேண்டுமானால் ஆன்மீகம் அவசியம் என்பதை அறிந்துள்ள சகோதரர்களில் சிலர் இன்றளவும் சொல்கிறார்கள்.
பக்குவம் அடைந்த பிறகு பைஅத் பெருகிறேன்.
நாம் கேட்பது
பக்குவம் அடைந்து விட்டால் பைஅத் எதற்கு ?
பக்குவடைவதற்க்கு தானே பைஅத் .
நோய் நீங்குவதற்குத்தானே மருந்து !
அதை விட்டுவிட்டு நோய் போன பிறகு மருந்துண்ணுகிறேன் என்றால் என்ன அர்த்தம்.
நீச்சல் தெரிந்தபிறகுதான் தண்ணீரில் இறங்குவேன் என்றால் நடக்கிற காரியமா ?
குழந்தை நடைபயில சாதனம் அவசியம்

இருட்டிலிருந்து வெளிச்சத்திற்கு வர விளக்கு அவசியம்
இறைவனை அண்மிக்க ஆன்மீகம் அவசியம் அவசியம் அவசியம்..

வழி கெட்டோர் யார்ராயினும் அவர்களுக்கு நேர் வழி பெற துஆ செய்பவர்களாக நாம்மாக இருப்போம்

பெருமானாரின் பேரொளியிலிருந்து வையகம் பிறந்தது

💓💓💓💓💓💓💓💓💓💓

💠 வையகக் காரணி, அகிலத்தின் அருட்பிளம்பு நபிகள் கோமான் ஈருலக இரட்சகர் ஏந்தல் நபி முஹம்மது முஸ்தபா ஸல்லல்லாஹு அலைஹிவஸல்லம் அவர்கள் முதல் படைப்பு என்றும்,அல்லாஹுத்தஆலா அவர்களின் ஒளியையே முதலில் படைத்தான். இந்த ஒளியிலிருந்தே அனைத்துப் படைப்பினங்களையும் வெளியாக்கினான் என்றும்,
சுன்னத் வல் ஜமாஅத்தினர் கூறி வருகின்றனர்.

💠 ஸஹாபாக்கள் காலம் முதல் இதுநாள்வரை இக்கருத்து அறிஞர்களால் உரைக்கப்பட்டும்,வரையப்பட்டும் வந்துள்ளது.
நபிகள் நாயகத்தின் வரலாற்று நூற்களிலும், ஹதீதுப் பெரு நூற்களிலும் திருமறை விரிவுரைகளிலும், மௌலிது நூற்களிலும் இக்கருத்து முக்கியத்துவம் கொடுத்து கூறப்பட்டுள்ளது.

💠 இறைவனின் முதல் படைப்பு தண்ணீர்தான் படைக்கப்பட்டது என்று கூறுபவர்கள் குர்ஆன் ஷரீப், ஹதீஸ்களை, இமாம்களின் கருத்துகளை தெளிவாக விளங்கிக்கொள்ளாததே அடிப்படை காரணமாகும் எனவே முதல் படைப்பு நபிகள் நாயகம் ஸல்லல்லாஹு அலைஹிவஸல்லம் அவர்கள் தான், அல்லாஹ்வின் ஒளியிலிருந்து படைக்கப்பட்ட முதல் ஒளியே நபிகள் நாயகம் ஸல்லலாஹூ அலைஹி வஸல்லம் அவர்கள்.
அவர்களின் ஒளியிலிருந்துதான் எல்லாம் படைக்கப்பட்டன என்பதை தக்க ஆதாரத்துடன் நிறுவியுள்ளோம். கவனமாகப் படியுங்கள்! உண்மையை தெளிவீர்கள்!

💎 அல்லாஹ்வின் தூதரே!
என் தாயும் என் தந்தையும் தங்களுக்குஅர்ப்பணமாகட்டும்!
அல்லாஹ் எல்லாப் பொருட்களையும் படைப்பதற்கு முன்னர் முதலில் படைத்தது எது என்று எனக்கு அறிவியுங்கள் என்று கேட்டேன். அதற்கு நபி (ஸல்) அவர்கள்,ஜாபிரே! அல்லாஹ் அனைத்து பொருட்களையும் படைப்பதற்கு முன்னர் உம்முடைய நபியுன் ஒளியை அவனுடைய ஒளியிலிருந்து படைத்தான்.

அந்த ஒளியை அல்லாஹ் நாடியவாறு வல்லமை கொண்டு சுற்றக் கூடியதாக ஆக்கினான். அந்த நேரத்தில் லவ்ஹ் (ஹுல் மஹ்ஃபூல்) இருக்கவில்லை, பேனா இருக்கவில்லை, சொர்க்கம், நரகம், வானவர்கள்,வானம், பூமி, சூரியன், சந்திரன், ஜின், மனிதன் (என்று யாரும்) இருக்கவில்லை. அல்லாஹ் படைப்பினங்களைப் படைக்க எண்ணிய போது அந்த ஒளியை நான்கு பகுதியாகப் பிரித்தான்.

முதல் பகுதியிலிருந்து பேனாவைப் படைத்தான். இரண்டாம் பகுதியிலிருந்து லவ்ஹ் (ஹுல் மஹ்ஃபூல்) ஐப் படைத்தான். மூன்றாம் பகுதியிலிருந்து அர்ஷைப் படைத்தான். பின்னர் நான்காம் பகுதியை (மீண்டும்) நான்கு பகுதிகளாகப் பிரித்தான்.
அதன் முதல் பகுதியில் அர்ஷைச் சுமப்பவர்களைப் படைத்தான். இரண்டாம் பகுதியிலிருந்து குர்ஷியைப் படைத்தான். மூன்றாம் பகுதியிலிருந்து ஏனைய வானவர்களைப் படைத்தான்.பின்னர் நான்காம் பகுதியை நான்கு பகுதிகளாகப் பிரித்தான்.அதன் முதல் பகுதியிலிருந்து வானங்களைப் படைத்தான். இரண்டாம் பகுதியிலிருந்து பூமிகளைப் படைத்தான். மூன்றாம் பகுதியிலிருந்து சொர்க்கம், நரகத்தைப் படைத்தான்.பின்னர் நான்காம் பகுதியை நான்கு பகுதிகளாகப் பிரித்தான்.
அதன் முதல் பகுதியில் முஃமின்களின் பார்வையின் ஒளியைப் படைத்தான். இரண்டாம் பகுதியிலிருந்து அவர்களின் உள்ளங்களின் ஒளியைப் படைத்தான். அதுதான் அல்லாஹ்வை அறிதலாகும். மூன்றாம் பகுதியிலிருந்து மனிதனின் ஒளியைப் படைத்தான். இதுதான் தவ்ஹீத் என்ற லாயிலாஹ இல்லல்லாஹ், முஹம்மதுர் ரஸுலுல்லாஹ் என்பதாகும். (நான்காம் பகுதியைக் கொண்டு ஏனைய படைப்புகளைப் படைத்தான்)
(நூல் : கஷ்புல் கஃபா, பாகம்:1, பக்கம் :265)

1⃣ நிச்சயமாக அல்லாஹ்விடம் இருந்து பேரொளியும்,தெளிவும் உள்ள ஒரு வேதம் (இப்போது) உங்களிடம் வந்திருக்கிறது.
(அல்குர்ஆன் - 5: 15)

2⃣ அல்லாஹ் வானங்கள் பூமியின் பிரகாசமாக இருக்கின்றான். அவனது பிரகாசத்திற்கு உதாரணம் விளக்கு இருக்கும் ஒரு மாடத்திற்கு ஒப்பாகும். அவ்விளக்கு ஒரு பளிங்குக் கிண்ணத்தில் இருக்கின்றது. அந்தக் கிண்ணமோ முத்தாலாகிய ஒரு நட்சத்திரத்தைப்போல் (பிரகாசித்துக் கொண்டிருக்கிறது).

3⃣ நபியே! நிச்சயமாக நாம் உம்மை (மனிதர்களுக்கு) சாட்சியாகவும்,நட்செய்தி கூறுபவராகவும்,அச்சமூட்டி எச்சரிக்கைசெய்பவராகவும் அனுப்பி வைத்திருக்கின்றோம். மேலும் அல்லாஹ்வின் அனுமதியின்படி (ஜனங்களை நீர்) அவன்பால் அழைப்பவராகவும் ஒளி வீசும் (மணி) விளக்காகவும் (இருக்கின்றீர்கள்).
(அல்குர்ஆன் - 33 : 45,46)

4⃣ அல்லாஹ்வுடைய ஒளியை தம் வாய்களால் (ஊதி) அணைத்து விடலாம் என்று இவர்கள் கருதுகின்றனர். அந்நிராகரிப்போர் வெறுத்தபோதிலும் அல்லாஹ் தன்னுடைய பிரகாசத்தை (உலகமெங்கும் ஒளி வீசும்படி) பூர்த்தியாகவே ஆக்கி வைப்பான்.
(அல்குர்ஆன் - 61 : 8)

5⃣ இவர்கள் தங்கள் வாய்களைக்கொண்டே (ஊதி) அல்லாஹ்வுடைய பிரகாசத்தை அணைத்துவிட விரும்புகின்றனர். எனினும், இந்நிராகரிப்போர் வெறுத்த போதிலும் அல்லாஹ் தன்னுடைய பிரகாசத்தை பூர்த்தியாக்கி வைக்காமல் இருக்கப்போவதில்லை
(அல்குர்ஆன் - 9 : 32)

♦ குறிப்பு : முதல் திருவசனத்தில் “நூர்“ என்ற சொல் பெருமானார் ஸல்லல்லாஹு அலைஹிவஸல்லம் அவர்களையே குறிக்கும். வெளிச்சமில்லாமல் புத்தகத்தை படிக்க முடியாதது போன்று பெருமானார் ஸல்லல்லாஹு அலைஹிவஸல்லம் அவர்களின் வழிகாட்டுதல் இன்றி திருக்குர்ஆனை விளங்க முடியாது.

♦ இரண்டாவது திருவசனத்தில் அல்லாஹ்வுடைய “நூர்“ என்று சுட்டிக்காட்டப்படும் வாக்கியமும்,பெருமானார் ஸல்லல்லாஹு அலைஹிவஸல்லம் அவர்களையே குறிக்கும். காரணம் அல்லாஹ் ஒப்பு உவமைகளை விட்டும் பரிசுத்தமானவன். ஆனால்,இத்திருவசனத்தில் அல்லாஹ்வின் “நூர்“ - (ஒளி)க்கு உவமை கூறப்பட்டுள்ளது. அதனால் இங்கு குறிக்கப்படும் நூர் - ஒளி - றஸுலுல்லாஹி ஸல்லல்லாஹு அலைஹிவஸல்லம் அவர்களையே குறிக்கும்.

♦ மூன்றாவது திருவசனத்தில் ‘சிறாஜுன் முனீர்‘ பிரகாசிக்கும் தீபம் என்று நாயகமவர்களை அல்லாஹ் குறிப்பிடுகின்றான். திருக்குர்ஆனின் மற்றுமொரு இடத்தில் சூரியனையும் “சிறாஜுன் முனீர்“ என்று குறிப்பிட்டுள்ளான். - ஒளி என்பது தானும் வெளியாகி ஏனையவற்றையும் வெளியாக்குவதற்கு கூறப்படும். சூரியன் தானும் பிரகாசித்து சந்திரன், நட்சத்திரங்கள்,உள்ளிட்ட பல்வேறு கிரகங்களையும்,தாரகைகளையும் பிரகாசிக்கச் செய்கின்றது.

இவ்வாறு பெருமானார் ஸல்லல்லாஹு அலைஹிவஸல்லம் அவர்கள் பிரகாசிக்கும் பேரொளியாக இருப்பதுடன், நபிமார்கள் ஸஹாபாக்கள்,வலிமார்கள் உள்ளிட்டோரை பிரகாசிக்கச் செய்பவர்களாகவும் விளங்குகின்றார்கள்.

♦ நான்காவதும், ஐந்தாவதும் திருவசனங்களில் குறிப்பிடப்படுகின்ற “நூர்“ ஒளி என்பது றஸுலுல்லாஹி ஸல்லல்லாஹு அலைஹிவஸல்லம் அவர்களையே குறிக்கும். காபிர்கள் நபிகள் நாயகம் ஸல்லல்லாஹு அலைஹிவஸல்லம் அவர்களை அழித்து விட பகீரதப்பிரயத்தனம் செய்தனர். ஆனால் அல்லாஹுத்தஆலா பெருமானாரின் அனைத்துப் பணிகளையும் தடையின்றி பூர்த்தியாக்கினான்.

♦ முதல் திருவசனத்தில் வரும் “நூர்“ என்பது பெருமானார் ஸல்லல்லாஹு அலைஹிவஸல்லம் அவர்களைக் குறிக்கும் என்று தப்ஸீர் ஜலாலைன் விளக்கம் சொல்கிறது.

“தப்ஸீர் ஜலாலைன்“ இன் விரிவுரைத் தப்ஸீரான தப்ஸீர் ஸாவியில் “நாயகம் ஸல்லல்லாஹு அலைஹிவஸல்லம் அவர்களை நூர் - ஒளி என்று குறிப்பிடக் காரணம் பெருமானார் ஸல்லல்லாஹு அலைஹிவஸல்லம் அவர்கள் பார்வைகளை ஒளி பெறச்செய்கிறார்கள். மேலும்,வெற்றியின் பக்கம் அவற்றுக்கு வழிகாட்டுகிறார்கள். மேலும்,புறப்புலன்களால் பார்க்கப்படும் காட்சிக்கும், அகப்புலன்களால் அறியப்படும் அறிவுக்கும்,நபியவர்கள் அஸலாக - மூலமாக விளங்குகின்றார்கள் என்றும் வரைந்துள்ளார்கள்.“

♦ இதே கருத்தையே தப்ஸீர் பைழாவி, தப்ஸீர் மதாரிக்,தப்ஸீர் காஸின் உள்ளிட்ட அநேக தப்ஸீர்கள் கூறுகின்றன. இவற்றுள் தப்ஸீர் ஜலாலைன், தப்ஸீர் ஸாவி,தப்ஸீர் பைழாவி, தப்ஸீர் மதாரிக் ஆகிய தப்ஸீர்கள் அறபு மத்ரஸாக்களின் பாடத்திட்டத்தில் இடம்பெற்றிருப்பது ஈண்டு கவனிக்கத்தக்கது.

💠 நபிகள் நாயகம் ஸல்லல்லாஹு அலைஹிவஸல்லம் அவர்களின் எதார்த்தம் “ஒளி“ என்பதை ஹதீது நூற்கள் தெளிவாக பறைசாற்றுகின்றன.